رونار وعندو الحق للزاكي: "سير دير خدمتك فبلاصتك بعدا عاد هضر عليا"

رونار مدرب المنتخب المغربي لكرة القدم هاجم ليلة امس الثلاثاء في ندوة صحافية بعد تأهل المنتخب الى ربع نهاية كأس افريقيا المقامة بالغابون٬ شد باللعابة الدوليين. رونار خرج فيهم فاص وعارف على من كيهدر "أشنو دار هو في الكاريير ديالو" قبل ما يبدا التشيار على الزاكي اللي تهجم عليه بعد الماتش ديال الكونغو بحشيان الهضرة ملي قال: "كاين لاعبين دوليين سابقين وناخبين وطنيين سابقين اللي تايعطيو رأيهم في المنتخب يمشيوا بعدا يديروا خدمتهم في البلاصة اللي هوما كاينين فيها قبل ما يعطيو أحكام على الجميع".
وكان رونار دخل فالصحفيين الإيفواريين اللي هاجمو ولد بلادو ميشال دوسايي وطالبوه باش يحط استقالتو اليوم قبل غدا ويرجع لباريس. مدرب الأسود قال للصحافيين اللي هاجموا مدرب الفيلة خاصكم تحتارموا هاذ المدرب الكبير اللي أهلكم لكأس إفريقيا وغادي مزيان فإقصائيات كأس العالم. "هاذ الندوة ماشي قاعة ديال المحكمة"