غانا تكرفصات على المنتخب وخلاتو في الزنقة

اللاعبين والطاقم دياب المنتخب الوطني لقاو ريوسهم في الزنقة ملي وصلوا لمدينة بورجونتي هاذ لعشية.
مصدر جامعي أكد لكود أن الكاف طلبات من المنتخب باش يسافر زوالا لهاذ لمدينة الساحلية ويتوجه مباشرة للوطيل اللي كان ساكن فيه منتخب غانا ولكن الاسود ملي وصلوا للوطيل لقاوا الغانيين مازال مسرحين رجليهم وما خواوش لوطيل وهذا اللي كعا الناخب الوطني وخلاه تايغوت على المسؤولين ديال لوطيل.
من بعد ساعتين، وفق مصدر "كود" رجع المنتخب للوطيل من بعد ما مشاو اللاعبين ياكلوا حيت ما تغداوش قبل ما يشدوا الطيارة ولقا البيوتا مازال موسخين وحالتهم حالة وما وجدوا تالسبعة ديال لعشية. شي بلان هذا دايراه الكاف للمنتخب الوطني.