واش الخطأ من الدولة أو الشركة.. عرض خريطة المغرب مبتورة من الصحرا أمام أنظار محمد بن زايد

Elouali.zaz.1987@gmail.com
وقعات الإمارات العربية المتحدة فخطأ جسيم بحضور رئيس الدولة محمد بن زايد، فاش عرضوا خريطة ديال العالم فيها خريطة المملكة المغربية مبتورة من الصحرا.
وكان رئيس الدولة محمد بن زايد أمام عرض ديال تدشين مشروع تهيئة ميناء خليفة، بحيث ظهرات قدامو خريطة المغرب مبتورة من الصحرا على حساب ما بان فالتقرير اللي دارت قناة دبي.
الإمارات مواقفها دائما مع المملكة المغربية والوحدة الترابية والسيادة على الصحراء، خاصة على مستوى المحافل الدولية والأمم المتحدة ومجلس الأمن الدولي، وهاد الأفعال ممكن تكون الدولة الإماراتية غير مسؤولة عنها بقدر ما غاد تكون مسؤولة عليها الشركات اللي كتنفذ هاد المشاريع واللي كيكونوا المسؤولين عليها أجانب.
هاد الخريطة دار عليها "شياتة" نظام العسكر من إعلاميين ومدونين حفلة وفلحظة تحولات الإمارات من عدو للجزائر وخطر عليها إلى "بطل" فنظرهم، باش نزيدو نتأكدوا أن المؤطر للعلاقات الجزائرية مع البلدان هو معاداة المغرب ووحدته الترابية ماشي شي حاجة اخرى بحال ما كيبغي يروج لذلك نظام العسكر.