أمانة البوليساريو دارت اجتماع باش زعما يحركو نزاع الصحرا بعد الركود اللي كاين

Elouali.zaz.1987@gmail.com
دار مكتب الأمانة العامة ديال جبهة البوليساريو، البارح الثلاثاء، اجتماع حضروه قيادتها العسكرية والسياسية، وزعيمها إبراهيم غالي.
الاجتماع ناقش المستجدات ديال نزاع الصحرا سواء فمخيمات تندوف أو المنطقة العازلة فظل الحرب الوهمية اللي كتخوضها، أو على الساحة الدولية اللي كيغيب عليها نزاع الصحرا للشهر الثالث تواليا منذ اعتماد قرار مجلس الأمن الدولي الأخير رقم 2703 نهاية أكتوبر الماضي، بحيث تبادلوا وجهات النظر على كيفية إحياء الملف ولفت الانتباه ليه، خاصة على ضوء التطورات فالعالم بحال الوضع فغزة.
وكيعيش نزاع الصحرا فهاد الفترة حالة من الركود خاصة ما بعد الجولة اللي دار مساعد وزير الشؤون الخارجية الأمريكية، جوشوا هاريس للمنطقة، وكذا تواري المبعوث الشخصي للأمين العام للأمم المتحدة للنزاع، ستافان دي ميستورا عن الأنظار على الرغم من المستجدات الميدانية اللي كانت وقعات.
وكتحاول جبهة البوليساريو والجزائر ما أمكن أنهم يخلقوا دينامية فالملف، وهاد الدور كديرو الجزائر من خلال استحضار نزاع الصحراء فگاع لقاءات مسؤوليها مع نظرائهم فالخارج، وباستعمال ورقة العضوية غير الدائمة لمجلس الأمن الدولي اللي خداتها بدءا من يناير الجاري.