المغرب ربح تنزانيا وبدا مزيان كوب دافريك فالكوت ديفوار

حقق المنتخب الوطني الرباح، اليوم الأربعاء، فأول ماتش ليه فكوب دافريك 2023، على حساب منتخب تنزانيا فمدينة سان بيدرو الايفوارية، بنتيجة 3 لزيرو ضمن الجولة الأولى من المسابقة.
واستهل التهديف الكابيتان رومان سايس فالدقيقة 30 وزاد عز الدين أوناحي الهدف الثاني فالدقيقة 77، والهدف الثالث ماركاه يوسف النصيري فالدقيقة 80.
وكيحتل المنتخب المغربي بهاد الرباح صدارة لكروب 6 فكوب دافريك اللي منظمة فالكوت ديفوار بين 13 يناير و11 فبراير 2024، برصيد 3 نقاط، أما منتخب تنزانيا كيحتل المركز الأخير برصيد 0، والمنتخبان بجوج غيتسناو الماتش بين الكونگو الديمقراطية وزامبيا عن نفس الجولة، باش يعرفو الترتيب ديالها.