سايس: ماتش تنزانيا كان معقد والتيران خايب هاد الشي مزيان لنا قبل كوب دافريك والمهم هو الرباح

عبر رومان سايس كابيتان المنتخب الوطني المغربي على الفرحة ديالو بالرباح اللي حقق الأخير على تنزانيا فدار السلام ضمن الجولة الثانية من إقصائيات كأس العالم 2026، وتشكى من البولوز ديال الملعب وأكد أنه واخا هكاك كيبقى هاد الشي مهم بالنسبة لهم كلاعبين استعدادا لكوب دافريك.
وتحدث رومان سايس بعدما ربح المنتخب المغربي تنزانيا بنتيجة 2 لزيرو، وقال فتصريح لقناة الرياضية ودوزيم: "الماتش ضد تنزانيا كان معقد ووسط هذه الأجواء والتيران اللي خايب وهذا اختبار لنا لكوب دافريك، كان خاصنا نجيريو الماتش وداكشي اللي درنا، درنا المجهودات ديالنا وحققنا رباح مهم لمقبل المنافسات وفرحانين به وغيعطينا ثقة لكوب دافريك".