الوداد ربحت بتيرو أتليتيكو وصححت البداية المتعثرة فبداية ليكروب ديال العصبة

حقق الوداد الرياضي رباح مهم فعصبة أبطال إفريقيا من بعدما فاز على الضيف ديالو بيترو أتلتيكو الانكولي بنتيجة هدف واحد لزيرو اليوم الجمعة فستاد دونور بكازا، فالجولة الثلاثاء من دور ليكروب.
الوداد الرياضي قدر يحسم الماتش ضد بيترو أتلتيكو بنتيجة صغيرة ولكن مهمة بهدف واحد دون رد، وهو الهدف اللي ماركاه الكابيتان يحيى جبران فالدقيقة 38، من ضربة جزاء وبقات النتجية كيفما حتى سالا الماتش.
وبهذا الرباح تمكن الوداد الرياضي من تجاوز الخسارة الماضية ضد شبيبة القبائل الجزائري فبداية مرحلة المجموعات، واجعل على 3 بوان مهمة وهي الأولى له فهاد المرحلة وكيحتل الفريق المركز 3 مؤقتا فالكروب 1 حيث عندو ماتش مؤجل، أما بيترو أتلتيكو كيتصدر مؤقتا المجموعة مع شبيبة القبائل الجزائري بصيد 4 النقاط فيما كيحتل فيتا كلوب الكونغولي المركز الأخير بزيرو بوان.