الوداد غيفتح تيران بنجلون لبيترو أتليتيكو الأنكولي

رحب الوداد الرياضي ببعثة بيترو أتلتيكو الأنكولي الخصم ديالو فالجولة الثالثة من ليكروب ديال عصبة أبطال إفريقيا لكرة القدم، واللي غيلعب معه غدا الجمعة فستاد دونور بكازا.
وغيفتح الوداد الرياضي أبواب تيران بنجلون لفريق بيترو أتليتيكو الأنكولي، باش يخوض فيه آخر حصة تدريبية قبل الماتش، وهادشي حسب ما كشف عليه الاتحاد الإفريقي فاللوائح ديالو، وغيتدرب الفريق الأنكولي مع 8 الليل وهو نفس توقيت الماتش غدا فدونور.
الوداد الرياضي غيلعب مع بيترو أتلتيكو الأنكولي غدا الجمعة باش يربح وبصحح الانطلاقة ديال الفريق فعصبة أبطال إفريقيا، من بعدما تعثر فأول ماتش مع شبيبة القبائل الجزائري، ودابا كيحتل المركز الأخير بصفر نقطة وعندو ماتش مؤجل أما بيترو أتلتيكو فهو المتصدر للمجموعة 1 وعندو 4 النقاط خذاها من رباح وتعادل.