حكم مالي غيلعب ماتش الرجاء وفيبرس الأوغندي فالعصبة

عين الاتحاد الإفريقي لكرة القدم طاقم تحكيم من مالي باش يحكم ماتش الرجاء الرياضي وفيبرس الأوغندي غدا الجمعة فستاد دونور، فالجولة الأولى من ليكروب ديال عصبة أبطال إفريقيا.
وغيكون المالي بوبو تراوري فماتش الرجاء الرياضي وفيبرس الأوغندي كحكم ساحة ومعاه المواطنين ديالو موديبو ساماكي كحكم مساعد أول، وأمادو بيلي أمادو كحكم مساعد ثاني أما الحكم الرابع فهو عثمان دياكيتي وحتى هو من مالي.
الماتش ديال الرجاء الرياضي وفريق فيبرس الأوغندي غيتلعب غدا الجمعة فستاد دونور بكازا مع 8 ديال الليل، وبدون جمهور، حيث الرجاء عليها عقوبة الويكلو من الجامعة.