2 لاعبين رجعو للرجاء قبل ماتش العصبة مع فايربز الأوغندي

رجعو 2 ديال اللاعبين لتعزيز صفوف الرجاء الرياضي وهادشي قبل ماتش الفريق الجمعة المقبل، ضد فايربز الأوغندي فالجولة الأولى من عصبة أبطال إفريقيا.
وكيتعلق الأمر بالمدافعين مروان الهدهودي ومحمد الناهيري، اللي براو من الإصابات اللي كانت عندهم، وراهم واجدين باش يلعبو ابتداء من الماتش الجاي ديال الخضرا ضد فايبرز الأوغندي، وغيبقى الاعتماد على اللاعبين رهين بقرار المدرب مندر الكبير.
وغيستقبل الرجاء الرياضي الجمعة الجاي فريق فايبرز الأوغندي فالجولة الأولى من ليكروب ديال عصبة أبطال إفريقيا فستاد دونور بكازا، والماتش غيكون وكيلو، حيث الخضرا عليها عقوبة من الكاف من الموسم الماضي لعبت منها ماتش ومازال لها فهاد الوكيلو ماتش هو اللي جاي.