خصم الرجاء فالعصبة جاي من تركيا

غيوصل فريق فايبرز الأوغندي خصم الرجاء الرياضي فعصبة أبطال إفريقيا اليوم الأربعاء إلى المغرب، باش يلعب مع الخضرا أول ماتش فدور المجموعات.
وشدات البعثة ديال فايبرز الأوغندي الطريق من بلادها للمغرب هذا الصباح، فرحلة جوية غير مباشرة، حيث الفريق غيمشي حتى لتركيا عاد يجي لكازا اللي من المنتظر يوصل لها هاد لعشية.
الرجاء الرياضي غيلعب مع فايبرز الأوغندي الويكاند الجاي فتيران المركب الرياضي محمد الخامس فكازا فالجولة الأولى من ليكروب ديال عصبة الأبطال، ولكن الخضرا غتكون محرومة من جمهورها حيث عليها عقوبة ديال الكاف، وهذا آخر ماتش فهاد العقوبة.