ويكلو.. الديريي بين الوداد والرجاء غيتلعب الخميس الجاي فكازا

الديريي غيتلعب الخميس الجاي. العصبة الوطنية لكرة القدم الاحترافية، التابعة للجامعة الملكية المغربية لكرة القدم، كشفات، اليوم الجمعة، على تحديد يوم 16 يونيو الجاري كموعد ديال ماتش الديربي البيضاوي، بين الرجاء والوداد، برسم الجولة ال25 من البطولة الاحترافية "إنوي".
وذكرات العصبة الاحترافية، فبلاغ ديالها، بللي ماتش الديربي الكازاوي، غيبدا فال5 دالعشية (17:00 كَرينيتش +1)، فسطاد دونور (مركب محمد الخامس) فكازابلانكا.
ومعلوم أن هاد الماتش غيتلعب "ويكلو" بمدرجات خاوية بلا جمهور، بسباب العقوبات اللي قرراتهل الجامعة فحق نادي الرجاء، المتمثلة فلعب 2 ماتشات بدون جمهور، مع منع تنقل جماهير الخضرا من هنا للخر ديال الموسم الكروي الحالي.