البطلة ديال "لاكازا دي بابيل" تزعمات مظاهرة على غزة فالسبليون.. وجهات ميساج قاسح لإسرائيل وها شنو قالت للفلسطينيين

خطفات إيتزيار إيتونيو، البطلة ديال مسمل "لاكازا دي بابيل" السبليوني لمشهور بزاف، الأضواء البارح فواحد المظاهرة فمدينة غرنيكا السبليونية، للتضامن مع فلسطين.
الممثلة المشهورة لي لعبات دور "لشبونة" خدات الكلمة ف هاد الوقفة وقالت ليهم أن "داكشي لي كيوقع في غزة هو إبادة جماعية كتديرها إسرائيل".
وقالت الممثلة كذلك "من غرنيكا لي عرفات أول قصف ف التاريخ الحديث وأول محاولة لمحو شعب كامل إلى فلسطين، كنقول أن العالم مابقاش يقبل غرنيكا جديدة ومابقاش قادر يسكت على هادشي لي كيوقع لفلسطين".
وعبرات الممثلة الصبلوينة على الغضب ديالها من الصمت ديال العالم على هاد المذبحة، وطالبات الضمائر الحية باش تتحرك وتوقف هادشي.
وختمات "لشبونة" الكلمة ديالها بميساج للفلسطينيين قالت ليهم "القتلى ديالكم هما القتلى ديالنا، والديور ديالكم المدمرة هي ديورنا وأرضكم المحتلة هي أرضنا".