3 ديال الكُتّاب طالع ليهم الدم من Chatgpt .. كيتهموه باستخدام محتوى ديال مؤلفاتهم

ثلاثة ديال الكُتّاب رفعو دعوى على شركة "أوبن إيه آي" اللي بتكرات برنامج "تشات جي بي تي" Chatgpt اللي كيخدم بتقنية الذكاء الاصطناعي.
هاد البرنامج ولا مشهور فالعالم كامل كيقولو أن الشركة خدات المحتوى ديال الكتوبا ديالهم باش يخدمو روبوت المحادثة للي كتستقطب بزاف ديال المستخدمين.
هادشي لي نقلات وكالة الأنباء الفرنسية، نهار الاثنين 10 يوليوز هاد العام، من واحد المصدر قضائي، وقالت بللي الكتّاب دارو دعوى حتا على شركة "ميتا"، تاهموها بنفس الحاجة لي دارتها فالبرنامج ديالها للذكاء الاصطناعي التوليدي "للاما" (LLaMA).
هاد الكتاب معندهم حتا دليل مباشر على هدشي لي كيقولو، وطلبو من قاضٍ فيدرالي فسان فرانسيسكو باش هاد الملاحقات تكون جماعية، ويقدرو كتاب آخرين يرفعو حتا هما دعوى وتكون قضية وحدة.