دراسة: مخ بنادم ولى صغير مقارنة مع الحجم ديالو عند البشر هادي 3000 عام

كَروب ديال الباحثين في جامعة بوسطن الميريكانية دارو تحليل خاص ل985 دماغ بشري ولقاو بللي الحجم ديالو صغار وتقلص مقارنة مع حجم مخ بنادم هادي 3000 عام اللي دازت.
ووضحو الباحثين أنه فهاد الوقت تزادت الكفاءة ديال الدماغ وولى كيخدم أكثر داكشي علاش نقص الحجم ديالو.
ووضحو بأن كلما تزادت قدرة الناس باش ياخدو معلومات جديدة كيحتاجو طاقة دماغية أقل باش يخزنو المعلومات وهادشي اللي كيخلي الدماغ يتقلص ف حجمو.
الدكتور جيمس اللي شارك في الدراسة قال أن انخفاض حجم الدماغ كان بسباب زيادة الاعتماد على الذكاء الجماعي.