تصرف ضد الشفافية وغادي يخلع لمغاربة. وزارة الصحة حيدات الرابط اللي فيه عدد المصابين بكورونا فيروس باش وصلنا 29

وزارة الصحة علنات، فالصفحة الرسمية ديالها فموقع التواصل الاجتماعي “فيسبوك”، هذ الصباح، بللي الحالات اللي تسجلات بفيروس “كورونا” المستجد وصلات ل29، بمعنى تزادت حالة وحدة على لبارح، لكن دازت غير جوج دقايق وهي تحذف المنشور، والناس تخربقو.
هذا ثالث آنفوكَرافيك كاتخرج الوزارة قبل ما تخرج البلاغ، وفالحالات بجوج اللي سبقو كانت كاتتعطل بزاف باش تخرجو، وفاش كايخرج الناس كيتهولو وكيحساب ليهم واش تسجلو حالات جديدة، فالوقت اللي البلاغ فيه غير تفاصيل للمنشور الانفوكَرافي.
هاص التصرف ضد الشفافية. كيخلي كاع لمغاربة يزيدو يخافو على الخوف اللي عايشينو. “كَود” كيف العادة كتحاول تتصل مع مدير مديرية الاوبىة باش يوضح هذ الزلقة، وحتى المكلف بالتواصل فوزارة الصحة، لكن حتى واحد ماكايجاوب.
الوزارة كانت مقادة تواصلها مع لمغاربة بهاد التصرف الخطير غادية دخل الشك. تصرف ما مفهومش