هاد الحالات كتكون قليلة بزاف.. بنت عندها 17 عام خدات شهادة الدكتوراه من جامعة أريزونا الميريكانية

خدات بنت شابة سميتها دوروثي جين تيلمان، وهي ميريكانية فعمرها غير 17 عام، شهادة الدكتوراة من جامعة أريزونا، في إنجاز نادر.
على حساب ماقالت بزاف ديال التقارير الصحفية فميريكان، فهاد البنت خدات الدكتوراة ديالها في الصحة السلوكية المتكاملة.
هاد البنت لي كتعيش فكاليفورنيا خدات التعليم ديالها بطريقة مختلفة على الناس، حيت تعلمات غير فالدار وكتمشي كتدوز الامتحانات.
خدات الباكالوريا فالعلوم الإنسانية وعمرها غير 12 عام، والماستر خداتو فعمر 14 عام، قبل ماتاخد الدكتوراة ديالها وعمرها غير 17 عام.
بالإضافة إلى الدكتوراه، مشهورة هاد الشابة العبقرية بأنها راقصة وشاعرة وعندها حتى مشاريع ديالها كتدخل بيهم الصرف الصحيح.