عايشة مع راجها و32 مونيكا.. امراة ميريكانية مبلية بالمونيكات وخسرات عليهم 12 ألف دولار – صور

كيرستن هالي، واحد الشابة ميريكانية عندها بلية ماشي بحال كاع البليات، ولي كانت لصقات فيها من الطفولة ديالها، ولي هي شريان المونيكات.
على حساب مقالات الصحافة في ميريكان، فهاد البنت بدات كتشري المونيكات من هادي 25 عام، وهي دابا في عمرها 28 عام، يعني مبلية مللي كانت عندها 3 سنين.
كيرستن كتعيش دابا في ولاية كاليفورنيا، مع راجلها إيثان و32 مونيكة على شكل أطفال كيرضعو.
في حوار ليها مع جورنال "ذا صن" البريطانية، أكدات كيرستن أنها خسرات حتى لدابا 12 ألف دولار على المونيكات للي كتشبه بزاف للدراري الصغار.
وكالت كذلك أنها كتدوش ليهم وكتخرجهم معاها للمارشي والحديقة وكتعاود ليهم كاع الأسرار ديالها.