هدى سعد جبدات على راسها صداع بسبب مونيكات مسلمات محجبات وقالت: عادي ولدي تكون عندو مونيكة

المغنية هدى سعد دوزات اليوم إشهار في شي شكل على انستگرام، كيخص مونيكات مسلمات محجبات، تال هنا الأمور عادي، لي ماتقبلوهش المتتبعين ديالها هو أنها قالت بأن الهدايا هي لولدها.
من بعد الانتقادات، مولات أغنية “بغيتو ولا كرهتو” قالت أن القضية مافيها لا إشهار لا والو، وأن المونيكات هدية من صاحبتها، واخة في اللايف قالت العكس ودوات على الشركة ومقرها في الخليج وداكشي.
هدى بعدا أم متفتحة وبيس، وقالت ردا على الانتقادات أنه عادي جدا ولدها يكون عندو مونيكة صديقة يلعب بيها.