مشاو فيها الصحافيين.. كَوكَل ولات خدامة بالذكاء الاصطناعي وكتنتج قصص إخبارية

كَوكَل بدا كيختبر أداة جديدة كتخدم بالذكاء الاصطناعي باش ينتج القصص الإخبارية، وعرضاتها الشركة على بزاف ديال المؤسسات الإعلامية فميريكان.
الصحيفة قالت أن شي مطلعين مكشفاتش الهوية ديالهم، قالو بللي هاد الأداة اللي كتعتمد على الذكاء الاصطناعي، والمعروفة باسم "جينسيس"، تقدر تنتج مادة صحفية متكاملة بعدما كتاخد لمعلومات اللي خاصاها.
عرضات كَوكَل لمنتج لجديد ديالها على وسائل إعلام ميريكانية، بحال صحف "وول ستريت جورنال" و"نيويورك تايمز" وحتا "واشنطن بوست"، وجوجل كتقول أن هاد الأداة يمكن تكون بحال مساعد شخصي للصحفيين، وتعاونهم على صناعة النشر بعيداً عن الذكاء الاصطناعي التوليدي.