مدرب صن داونز: الفينال مع الوداد كان صعيب وجبران يستاهل حمرا.. الوداديين دارو ليا مفاجأة وفرحوني

اعتبر رولاني موكوينا مدرب صن داونز الجنوب إفريقي أن ماتش ذهاب فينال السوبر ليك أمام الوداد الرياضي فستاد دونور كان صعيب بزاف، وشكر جمهور الواك حيث رحب به.
وتحدث مدرب صن داونز بعد خسارة الأخير أمام الوداد بجوج لواحد وقال: "كان الماتش صعيب علينا.. يمكن جبران كيستاهل البطاقة الحمرا وماكانتشكاش من التحكيم ولكن كون تطرد لاعب من الواك كان غيكون ماتش آخر".
وكمل مدرب ماميلودي: المهم غناخدو دابا الأمور الإيجابية ونمشيو نوجدو لماتش الروتور فجنوب إفريقيا خصوصا وأننا مدة هادي وحنا بعاد على بلادنا حيث لعبنا الدومي فينال فمصر وجينا نيشان للمغرب".
ونوه مدرب ماميلودي صن داونز الجنوب إفريقي بجماهير الوداد الرياضي اللي رحبت به وقال: "جماهير الوداد فاجؤوني بالترحيب ديالهم وهذا الشي أثر فيا وفرحني وكنقدم لهم الشكر".