صن داونز بداو كيغريو جمهورهم قبل الماتش الحاسم ضد الوداد

بدا ماميلودي صن داونز الجنوب إفريقيا باغراء جماهير الفريق لكسب دعمهم ضد الوداد الرياضي السبت الجاي بتيران الماتش فبريتوريا، برسم إياب دومي فينال عصبة أبطال إفريقيا.
وأعلن صن داونز للجماهير ديالو أن اللي غيجي للتيران لابس التوني د الفريق أو على الأقل لابس اللون الأصفر، غياخذ التذكرة فابور باش يدخل يتفرج فالماتش ضد الوداد الرياضي.
وكيلعب صن داونز على دعم الجمهور ديالو امام الوداد الرياضي فماتش غيكون صعيب بزاف على الطرفين، خصوصا وأن ماتش الذهاب بكازا سالا زيرو لزيرو الشي اللي كيخلي كل الاحتمالات ممكنة فماتش الاياب لتأهل أحد الفريقين.