مدرب صن داونز عارف الفينال مع الوداد غيكون نقي وفيه غالكورة وقالهم: النهائي مع الواك صعيب

أكد الجنوب إفريقي رولاني موكوينا مدرب ماميلودي صن داونز الجنوب إفريقي ان فينال السوبر ليك ضد الوداد الرياضي غيكون صعيب بزاف، وبلي غيبداو كيوجدو له.
وعبر رولاني موكوينا بعد الرباح التأهل للفينال على ظهر الاهلي المصري، على الفرحة ديالو، ولكن أكد بلي الفريق غيبدا يوجد دابا للفينال، وقال فالندوة الصحافية بعد ماتش الدومي فينال امام الفريق المصري: "دابا خاصنا نرتاحو شويا قبل ما نمشيو للمغرب، راح حنا عارفين مزيان ان الماتش ضد الوداد غيكون صعيب ولكن غنوجدو له مزيان".
وغيتلعب ذهاب الفينال بين الوداد الرياضي وما ميلودي صن داونز الجنوب افريقي يوم الاحد المقبل فستاد دونور مع 7 الليل، الروتور غيتلعب فبريتوريا الجنوب افريقية يوم السبت 11 نونبر.