الوداد والترجي خرجو معادلين الشوط الاول: الواك دايرين ماتش تكيتي بتعليمات من رمزي ومتحكمين فالريتم أمام عجز التوانسا

خرجو الوداد الرياضي والترجي التونسي معادلين من الماتش ديالهم اللي بادي اليوم الاربعاء فالعشية فتيران رادس فتونس، ضمن اياب دومي فينال السوبر ليك الافريقي.
وسالا الشوط الاول بين الوداد الرياضي والترجي التونسي بالتعادل السلبي زيرو لزيرو بين الفريقين، وكانوا الوداد واقفين مزيان فكاع أطوار الجولة الاولى، والفريق مقدم اداء تكتيكي مزيان بقيادة المدرب عادل رمزي، والأكثر من هذا قدر يهرس احتكار الترجي للكورة وحتى الخطورة ديالو حيدها له.
لاعبين الوداد الرياضي لاعبين بشويا عليهم وكيحاولو يكالميو اللعب ومتحكمين مزيان فالريتم، بحيث انهم جرو الفريق التونسي اللعب السلي وبعدو عليهم الضغط لدرجة ما كانتش شي كورة خطيرة على مرمى الفريق المغربي، ومرة مرة الحمرا كتباغت الترجي بشي كورة.