أحوال الوداد فتونس: القنصل المغربي زار بعثة الواك وعادل رمزي بدا كيوجد اللاعبين للقمة ضد الترجي

بداو الوداد الرياضي كيوجدو لإياب دومي فينال السوبر ليك الافريقي امام الترجي التونسي، اللي غيتلعب الاربعاء المقبل فتيران رادس فتونس.
وبعدما وصلو الوداد اليوم الاثنين مع الظهر لتونس، ورتاحو فالفندق ديالهم جا عندهم القنصل المغربي فتونس هاد العشية فزيارة لهم باش يشوفهم ويتفقد الأمور ديالهم.
ومشاو الوداد الرياضي بعدها لتيران الزويتين فتونس، باش يديرو حصة تدريبية أولى فتونس وخصصها المدرب عادل رمزي باش يحيد العيا للاعبين ديال ماتش البارح ضد الترجي والسفر من المغرب لتونس.