تأجيل ماتش ليفار مع المحمدية والوداد ضد الفتح.. ها برنامج الدورة واحد من البطولة والرجاء ضد برشيد الأحد الجاي والفرق واحلين فالتيرانات

حددت العصبة الوطنية لكرة الاحترافية، مواعيد الدورة الأولى والثانية من منافسات القسم الوطني الأول للبطولة الإحترافية.
وقررت العصبة الإحترافية تأجيل 2 ماتشات هما ديال الجيش الملكي مع شباب المحمدية حيث ليفار لاعبين دوري أبطال أفريقيا، والوداد الرياضي مع الفتح الرياشي حيث الاخر لاعب كأس الكونفدرالية الإفريقية.
وقررت العصبة أن الماتش ديال ليفار مع شباب المحمدية يتلعب يوم الأربعاء 30 غشت مع 7 وربع ديال العشية، وماتش الوداد الرياضي والفتح الرياضي يتلعب يوم الخميس 31 غشت مع 9 ونصف د الليل.
أما باقي الماتشات ديال الدورة 1 فغيتلعبو كاملين ما بين الجمعة والسبت والاحد الجايين، ومن بينهم ماتش الرجاء الرياضي ويوسفية برشيد اللي غيستقبلو الأخير الأحد الجاي مع 7 وربع ديال العشية.
وغابت على البرنامج ديال العصبة الوطنية لكرة القدم الإحترافية الخاص بالدورة واحد، التيرانات اللي غيتلعبو فيها الماتش، حيث بزاف ديال الفرق مازال ما لقاو ملاعب فين يلعبو حيث تيراناتهم مسدودين بسبب الإصلاحات.