ها التيران اللي باغيا السوالم تلعب فيه مع الرجاء

مازال ما تحسمش فالتيران اللي غادي يستقبل فيه فريق شباب السوالم الضيف ديالو الرجاء الرياضي السبت المقبل، ضمن الجولة 8 من البطولة الاحترافية لكرة القدم.
وكشف مصدر مطلع أن مازال ما صدر حتى قرار بخصوص التيران اللي غادي يتلعب فيه الماتش ما بين السوالم والرجاء، وأن المسؤولين ديال السوالم عندهم رغبة لاستقبال الماتش ضد الخضرا فتيران برشيد، لكن هاذ القرار كيبقى بيد السلطات.
وبالإضافة لتيران برشيد المرشح لاحتضان الماتش ما بين السوالم والرجاء، فكاين أيضا، تيران البشير فالمحمدية، واللي استضاف فيه فريق حد السوالم الماتشات ديالو مؤخرا.
للإشارة فالعصبة الوطنية لكرة القدم الاحترافية، برمجت ماتش شباب السوالم ضد الرجاء الرياضي ضمن الجولة 8 من البطولة الاحترافية، السبت الجاي ابتداء من الساعة 4 عصرا.