العصبة حددات مواعيد الماتشات ديال الجولة 8 فالبطولة

حددت العصبة الوطنية لكرة القدم الإحترافية الويكاند ديال الأسبوع الجاي، كموعد باش يتلعبو ليماتش الجولة 8 من البطولة الإحترافية، واللي غادي تكون آخر جولة قبل توقف البطولة حيث المنتخب المغربي مشارك فكأس العالم.
وغادي يتم إجراء ماتشات الجولة 8، أيام الجمعة 4 نونبر المقبل، والسبت 5 نونبر والاحد 6 نونبر، وغادي يكون فريق الرجاء الرياضي فهاذ الجولة خارج عند شباب السوالم يوم الأحد، فانتظار تحديد تيران للماتش، أمام الوداد فغادي يستقبل فنفس اليوم فريق إتحاد التواركة فستاد دونور.
للإشارة فتم تأجيل 2 ماتشات من الجولة 8، وكيتعلق الأمر بماتش الفتح ضد نهضة بركان والمغرب التطواني ضد نهضة بركان، حيث بركان وليفار لاعبين كأس الكونفدرالية، فانتظار تحديد موعد باش يلعبو.