التواركة ربحت المحمدية فالبطولة – فيديو

ربح إتحاد التواركة الماتش الثاني له فالبطولة الإحترافية من بعدما فاز مساء اليوم الجمعة فتيران الأمير مولاي عبد الله بالرباط، على شباب المحمدية فالجولة 5.
اتحاد التواركة نجح فتسجيل بيت الرباح فالدقيقة 29 بواسطة أكرم نقاش اللي سدد الكرة فمرمى شباب المحمدية من بعد تيكي تاكا زوينة ديال التواركة، اللي غادي يكمل الماتش بنقص عددي من بعدما تطرد له المدافع إلياس الحداد فالدقيقة 45، وهو العامل اللي فشل شباب المحمدية فاستغلالو لإدراك التعادل وظلت النتيجة كما هي حتى نهاية الماتش، مع العلم أن المحمدية ماركاو بيت وحيدو الفار بداعي التسلسل.
وبهذا الفوز رفع إتحاد التواركة الرصيد ديالو إلى 7 نقاط ووصل على شباب المحمدية الي كيملك نفس العدد من النقاط، والفريقين معا فالمركز السادس مؤقتا فانتظار يتلعبو باقي ليماتش.