آيت منا عرف يستاغل فرصة ماتش الرجاء والمحمدية

قرر شباب المحمدية اللي كيترأس الشركة الرياضية ديالو هشام آني منا، يستغل الماتش ضد الرجاء الرياضي يوم الجمعة المقبل، وحضور جماهير الأخضر اللي كيملك قاعدة مناصرين كبيرة كديبلاصا معه وكاين عدد كبير منهم أيضا فمدينة المحمدية من أجل ضخ أكبر مبلغ مالي من هاد المواجهة.
وطرح شباب المحمدية زوال اليوم الأربعاء التيكي ديال الماتش اللي غيستقبل فيه الرجاء الرياضي فتيران البشير، ورفع الثمن ديال تذاكر المدرجات العريانة لمبلغ 50 درهم للتذكرة الواحدة، بينما تحدد ثمن تذاكر المدرجات المغطاة فمبلغ 150.
ومن المنتظر تعرف مباراة شباب المحمدية والرجاء الرياضي يوم الجمعة المقبل بملعب البشير ضمن الجولة الرابعة من منافسات البطولة الإحترافية لكرة القدم، حضور جماهيري كبير لأنصار الفريق الأخضر بحكم القاعدة الكبيرة ديالهم وأيضا لقرب مدينة المحمدية من كازا الأمر اللي كيسهل التنقل، وبالتالي فالمداخيل المالية ديال الماتش غتكون استثنائية بالنسبة لفريق فضالة.