شاعلة فالمارشي نوار على البيي ديال الرجاء ومازيمبي..”بيي” ديال 50 درهم وصل ل120

عملية بيع تذاكر ماتش الرجاء البيضاوي وتي بي مازيمبي تعرف إقبالا كبيرا من طرف الجمهور، اللي باغي يشوف الماتش ديال غدا الجمعة بملعب مركب محمد الخامس في الدار البيضاء، برسم ذهاب ربع نهائي دوري أبطال إفريقيا.
الاقبال الكبير على التذاكر شجع المارشي نوار، بعدما تطرحات للبيع من جديد، ووصلات ثمن البيي ديال 50 درهما إلى 120 درهما.
أصحاب السوق السوداء شراوا اكبر عدد من التذاكر باش يعاودوا فيها البيع مستغلين الإقبال على التذاكر.
ومن المنتظر أن تجرى مباراة الرجاء شبابيك مغلقة، نظر لاقتراب نفاذ التذاكر كاملة.
وما شي بعيد يتابع هاد الماتش 50 الف متفرج.