النار ف”البيي”.. ديال 100 تباعت ب500 درهم.. واستقبال كبير للمنتخب بمطار وجدة

كلشي في وجدة كيسول على “البيي” ديال ماتش ليبيا، لي غادي يتلعب في الملعب الشرفي فالسبعة ديال العشية.
“البيي” ما بقاتش كادور والجمهور مازال كيشريها من مارشي نوار.

اليوم تباعت تذاكر 100 درهم ب500 درهم وديال 50 ب300 درهم ومابقاتش. البوليس فشل في مطاردة أصحاب السوق السوداء، ولكن مازال ما وصلش للريوس الحربة.
“البيي” تسالاو وماشي بعيد تباع عدد منها قبل الماتش، ويمكن يزيد يرتفع الثمن أكثر
كلشي فرحان بالمنتخب الوطني، لي غادي يلعب هاد الماتش في وجدة، بعدما ارجع الملعب الشرفي في حلة جديدة.
الجمهور نزل بكثرة لمطار أنكاد باش يستقبل المنتخب المغربي. اكثر من 500 مشجع كانوا في استقبال اللاعبين.
كلشي كان حاضر فالاستقبال السلطة المحلية والمنتخبين ومكونات المجتمع المدني كلها. وكان في استقبال المنتخب كذلك داراري الصغار ديال مولودية وجدة. الجميع فرحات وبزاف، لي بغاو يديرو “سيلفيات” مع اللعابة ولكن كان الأمن كيمنع المشجعين من الاقتراب من اللاعبين. حتا العنصر النسوي كان حاضر باش يستقبل المنتخب واللاعبين.
الطريق ديال المطار كانت عامرة والبوليس في كل بلاصة، وما شي بعيد يحضر جمهور كبير للملعب هاد العشية باش يحضر لونتيرمو واخا
الحصة التدريبية غادي تكون مغلقة.