45 ألف تذكرة ب 30 و50 و200 درهم باش تفرجوا في الأهلي والوداد

قرر فريق الوداد اطبع 45 ألف تذكرة وهو أكبر عدد ممكن اطبعوا من التذاكر باش اخلي الجمهور الودادي احضر اتفرج في الماتش ضد الأهلي، السبت المقبل، برسم نهائي عصبة الأبطال.
وحدد الوداد أثمنة التذاكر في 30 و50 و200 درهم لاقتناء التذاكر، 30 درهم للمدرجات المكشوفة، و50 للمدرجات المغطاة، و200 درهم للمنصة الرسمية.
ومعول الوداد الرياضي على الحضور الجماهير الكبير باش اضغط على الأهلي وخلي اللاعبين ديال الوداد اتحمسوا باش اربحوا الماتش، وفوزوا باللقب القاري لثاني مرة في التاريخ ديالهم.
وكيبقى الوداد الأقرب للفوز باللقب لأنه خاصوا على تعادل بصفر لمثله باش افوز به، لأن النتيجة ديال الذهاب لسالات بهدف لمثله كانت فصالحوا.
وغادي استفاد الوداد من العودة ديال المدافع ديالو أمين العطوشي لغاب عن مباراة الذهاب لأنه كان مطرود في المباراة ديال نصف النهاية.