الجامعة عقبات الوداد وحرماتو من الجمهور وعطاتو غرامة بسبب الشغب

قررت الجامعة الملكية المغربية لكرة القدم أنها تعاقب الوداد بمباراة ويكلو، و50 ألف درهم غرامة، عقابا ليه على الأحداث لتسبب فيها الجمهور ديالو في الماتش مع نهضة بركان، برسم ثمن نهائي كأس العرش.
وغادي العب الوداد الماتش ديالو في الدوري الاحترافي أو كأس العرش بالدار البيضاء بالويكلو، بسبب العقوبة لتلقاها من الجامعة، ولجات مخففة، رغم الأحداث لعرفاتها المباراة.
وكان الوداد مهدد بعقوبة ديال مبارتين ويكلو حتى لأربع مباريات ويكلو، بسبب الأحداث ديال الشغب، لتسبب فيها الجمهور ديال الوداد، لدخل فالصداع مع البوليس، حتى وقعات اشتباكات كبيرة بزاف خلات الحكم ديال الماتش الكزاز اوقف الماتش، حتى اسالي الصداع في المدرجات.
وغادي اكون الوداد أول فريق العب ويكلو هاد العام بسبب الشغب ديال الجمهور ديالو، لمخلاش البوليس احيد ليهم الباش ديالهم وضاربوا معاهم.