حسبان دار دور نسيمة الحر ودخل بخيط بيض بين غاريدو وياجور

دخل سعيد حسبان، رئيس فريق الرجاء الرياضي، بخيط أبيض بين مدرب الفريق غاريدو، والمهاجم محسن ساجور، وعقد جلسة صلح بين الطرفين اليوم الصباح، باش اصفيو الأجواء وتصالحوا بعد الخلاف لوقع بيناتهم في الماتش ديال الفتح الرباطي في كأس العرش.
المدرب كان مقلق على ياجور وجرى عليه من التداريب ومخلاهش العب الماتش ديال اتحاد طنجة، وبقى الخلاف مستمر بين الطرفين حتى دخل حسبان، وعقد جلسة صلح بناتهم وكل واحد عبر على الموقف ديالو وتصالحو.
ورجع ياجور اليوم الصباح للتداريب، وغادي اكون حاضر في الماتش ديال المغرب مع الفتح في مباراة الإياب خصوصا أن بلاصتو بانت في الماتش ديال طنجة، ملقاش غاريدو مهاجم اعول عليه من غير لنحليب لكان بوحدو في الهجوم.
والرجاء مازال كيتسناو البرمجة ترد عليهم على تأجيل الماتش ديالهم مع الفتح لأنهم مباغينش العبوا بسبب غياب خمسة ديال اللاعبين من الفرقة مشاو العبوا مع المنتخبات ديالهم.
ورغم أن الرجاء من حقوا أجل الماتش إلا أنهم مازال معرفوش اشنو غادي اديرو واش امشيو للرباط باش العبوا أو غادي تأجل ليهم الماتش.