ياجور غادي العب الماتش ديال الرجاء مع دشيرة

غادي العب محسن ياجور، الماتش ديال الرجاء ضد أولمبيك دشيرة، بعدما نجح الرجاء اليوم في التأهيل ديالو باش اكون حاضر في المباراة.
ياجور وخا سينا في الرجاء بقا كيتسنى فالبطاقة ديال الخروج ديالو تجيه من قطر فين كان محتارف مغ نادي لخريطيات، ومني تعطلات الرجاء دخلهم شك، واش غادي العب ولا مغاديش العب، ولكن اليوم حسبان مشا للجامعة وطلب منهم ازربو باش اهضروا مع الاتحاد الإماراتي باش اسيفطو بطاقة خروج ياجور، خصوصا أن هادشي كيدول غير عبر الانترنيت ومكيطلبش وقت بزاف.
ودابا الرجاء ولا من حقها تعتامد على اللاعبين الجدد كاملين حذراف، ولهلالي، وياجور، وشاكير، في الماتشات الرسميين في كأس العرش والبطولة الاحترافية.
والجماهير الرجاوية كيتسناو اشوفو ياجور في الهجوم لأنهم كيعرفوه اشنو كيسوى وكيعرفو أنه اقدر اعون الرجاء بزاف هاد العام باش تربح البطولة الاحترافية، واخا الفريق كيعاني من الأزمة، لأن العام لفات بالأزمة والاضرابات الفرقة جات في المركز الثالث في البطولة.