منخرطو الرجاء كيطعنو فقرار حسبان ديال الانخراط

قرر منخرطو الرجاء اسيفطو رسالة للجامعة الملكية المغربية لكرة القدم باش اطعنوا في القرار ديال رئيس الرجاء، لعلن على فتح باب الانخراط للموسم الرياضي المقبل.
واعتبر منخرطو الرجاء أن قرار حسبان غير قانوني، لأن الانخراط للموسم المقبل، خصوا كون من بعد الجمع العام ديال الفريق وماشي قبل منو، وعرفوا أن حسبان باغي افتح باب الانخراط باش ارون القضية وميبقاوش عارفين شحال كين ديال المنخرطين، خصوصا أن الأخبار كتحدث على أنه باغي الغي بطاقة الانخراط القديمة، بداية اليوم لهو أول نهار لبغا انخارط في الرجاء للعام الجاي.
وكان حسبان قرر ارفع من قيمة الانخراط، وقرر افتحوا بكري باش ادبر على لفلوس باش اخلص اللاعبين مع البداية دبال البطولة، لأن الرجاء كتعاني دابا من أزمة كبيرة ومعندهاش فلوس أصلا باش تغطي المصاريف ديال اللاعبين والأطر ديالها.
الصراع ديال حسبان مع المنخرطين غادي تزاد الحدة ديالة السيمانة الجاية لأن المنخرطين حالفين حتى احيدوه من الرئاسة، وباغين اديرو جمع عام استثنائي إلى نجح ليهم غادي تكون الضربة القاضية ديال حسبان.