الجيش الملكي ربح الجديدة وتصدر البطولة – فيديو

اكتسح الجيش الملكي الضيف ديالو الدفاع الحسني الجديدي بنتيجة 4 مقابل هدف، فالماتش اللي جمع الفريقين مساء اليوم الجمعة فتيران الأمير مولاي عبد الله فالرباط ضمن الجولة 4 من البطولة الإحترافية لكرة القدم.
وسجل أهداف الجيش الملكي كل من رضا سليم من ضربة جزاء فالدقيقة 7، وجوزيف كيدي فالدقيقة 11، وآدم التفاني فالدقيقة 63، ورجع ماركا البيت الرابع فالدقيقة 70، أمام الهدف الوحيد ديال الجديدة سجلو مسعود جمعة من ضربة جزاء فالدقيقة 38.
ورفع الجيش الملكي الرصيد ديالو بهذا الفيكتوار إلى 10 ديال النقاط وطلع لصدارة البطولة مؤقتا، بينما تجمد رصيد الدفاع الحسني الجديدي عند 6 نقاط وكيحتلو مؤقتا المركز 7، وهاذي هي الهزيمة الثانية ديال الدكاليين من بعدما خسرو ضد الجديدة فالجولة 2.