ها موعد الجولة 29 ونهاية البطولة: شاعلة بين ليفار والوداد على اللقب وبين المهددين بالنزول

حددت العصبة الوطنية لكرة القدم الإحترافية، الاسبوع الجاي باش تسالي البطولة الإحترافية للقسم الأول، ويتعرف شكون بطل المغرب د الموسم الرياضي 2022- 2023، وشكون هما الفريقين اللي غينزلو للقسم الثاني.
قررت العصبة الوطنية لكرة القدم الإحترافية، يتلعبو ماتشات الدورة 29 كاملين يوم الثلاثاء الجاي مع 8 الليل، أما ماتشات الدورة 30 والاخيرة غيتلعبو يوم الجمعة الجاي وحتى هم مع 8 ديال الليل.
للإشارة فغدا السبت غتلعب الجولة 28 من البطولة الإحترافية لكرة القدم وتقدر فيها تحسم فيها هوية البطل وكذلك النازلين للقسم الثاني، والصراع على تتويج بالبطولة الإحترافية انحصر بين الجيش الملكي المتصدر برصيد 60 نقطة والمطارد الوداد الرياضي حامل اللقب اللي عندو 57 نقطة.
أما الصراع على البقاء راه شاعل بين بزاف ديال الفرق وهي أولمبيك خريبكة مولات 22 نقطة، واتحاد طنجة اللي عندها 23 نقطة، والدفاع الحسني الجديدي اللي عندهم 24 نقطة، وبشكل قال مولودية وجدة مولات 28 نقطة، والمغرب التطواني اللي عندهم 29 نقطة.