ها بروكرام الرجاء الوداد فالجولة 15 و 16 من البطولة

حددت العصبة الوطنية لكرة القدم الإحترافية بروكرام الجولة 15 و 16 من منافسات الدوري الإحترافية لكرة القدم، واللي غادي تبدا الثلاثاء المقبل.
وغادي يفتتح الرجاء الرياضي ماتشات الجولة 15 وغيحل ضيف على الدفاع الحسني الجديدي بمدينة الجديدة يوم الثلاثاء المقبل 24 يناير، إبتداء من الساعة 8 ونص ديال الليل.
أما الوداد الرياضي وعن نفس الجولة، فغادي يستقبل فريق المغرب الفاسي الأربعاء الجاي 25 يناير، فستاد دونور بكازا إبتداء من الساعة 8 ونص ديال الليل.
وبخصوص الجولة 16، فغادي يكون الرجاء الرياضي ضيف على أولمبيك آسفي السبت المقبل 28 يناير، فتيران المسيرة الخضراء إبتداء من الساعة 6 وربع ديال لعشية.
وبالنسبة للوداد الرياضي وعن نفس الجولة، فغادي يستقبل الفتح الرياضي فتيران محمد الخامس بكازا، إبتداء من الساعة 6 وربع ديال لعشية.