عاش ما بين 38 و40 مليون عام.. علماء لقاو الهيكل العظمي ديال أكبر حوت في التاريخ

علماء الحفريات كشفوا على حوت "بيروسيتس" العملاق اللي عاش مابين 38 و40 مليون عام فالحقبة الفجرية (الإيوسينية)، وهو مخلوق كيشبه لخروف البحر وكيوزن كثر من الحوت الأزرق اللي كيتعتابر أضخم حيوان فتاريخ.
والباحثون قالو أن الاسم العلمي بيروسيتس كيعني "الحوت البيروفي العملاق"، وطول ديالو 20 مترو وكيوزن 340 طن، والهيكل العظمي ديالو لقاوه فصحراء على ساحل جنوب بيرو، وهاد البلاصة فيها بزاف ديال حفريات الحيتان، ولعضوما ديالو غلاض بزاف وهادشي كين غير فالخيلانيات.
جيوفاني بيانوتشي عالم الأحياء القديمة فجامعة بيزا فإيطاليا والمعد الرئيسي للبحث المنشور فدورية (نيتشر) العلمية قال أن هاد الحوت كيتميز بالوزن ديالو لي كبير بزاف، وهادشي كيبين الوجود ديال كائنات عندها مميزات مكتخطرش على البال.