ثريدز غادي يخرج على ماسك.. موظفين تويتر مشاو للتطبيق الجديد

حتى الناس لي خدامين فتويتر شتاركو فتطبيق ثريدز الجديد اللي صيباتو شركة ميتا، والتحليل لي دارو موقع The Daily Beast الميريكاني قال أن كثر من 31 موظف ديال تويتر شاركو فمنصة ثريدز.
موقع Business Insider ختار عينة عشوائية من 133 موظف فتويتر من خلال لحسابات ديالهم على منصة "لينكد إن"، ولقاو تطابق بينهم وبين حسابات على منصة ثريدز.
وتطبيق ثريدز ديال شركة ميتا، حقق نجاح كبير مع المستخدمين، وكيتعتبر تهديد ل"تويتر". وهاد المنصة كتستافد من لاتصال ديالها من بمنصة إنستغرام، وقدرات توصل ل100 مليون مستخدم من بعد خمسيام فاش طلقوها.