واش زبايل التهاني عطات ريحتها فالمكتبة الوطنية.. تقرير كحل وصل للوزير بنعسيد ونقابة كدش بغات الضوسي يتحال على النيابة العامة

نهار الجمعة الفايت كان سخون ف قطاع الثقافة، لي مسخنو هو خروج المكتب المحلي لنقابة الكونفيدرالية الديمقراطية للشغل (كدش) فالمكتبة الوطنية باش تهضر على ضوسي لي سبق لينا ف كود هضرنا عليه، وكيتعلق بقسم المشتريات.
هاد البيان ديال كدش جاء فسياق كيقاد فيه مدير المكتبة الوطنية محمد الفران و الوزير الوصي على القطاع المهدي بنسعيد فجدول أعمال المجلس الإداري للمكتبة الوطنية.
وطالبت النقابة من ممثل الحكومة فالمجلس الإداري إحالة التقرير و شكاية د رئيس مصلحة الشراء و الهبات و التبادل لي نصفو الوزير إداريا للنيابة العامة و الالتفات على الاقل بالتداول لهاد الضوسي لي فيه شبهات كثيرة، لي تيبان مزال غيطيح أطر فمديرية المؤسسات العمومية المالية، حسب مصادر مقربة من ملتمسات تحطات مؤخرا على مكتب مؤسسة الوسيط، خصوصا أن التقرير د الحكومة و الوسيط حط المراقبة د المالية و مسؤول أخر تنقل مؤخرا في موقف لا يحسدان عليه د شبهة التقصير و لا المشاركة ف داكشي لي سبق و دار فالمكتبة.
هاد الصداع كان وقع فاش تحمل التهاني إدارة المكتبة الوطنية بالنيابة.