الناخب الوطني وليد الركراكي: البرتغال اللي فافوري فالماتش غدا ضد المغرب

أكد الناخب الوطني وليد الركراكي أن منتخب البرتغالي الخصم ديال المغرب فربع نهائي كاس العالم قطر 2022، هو المرشح للتأهل لنصف نهائي البطولة.
وقال وليد الركراكي فالندوة الصحافية اللي كتسبق ماتش المغرب والبرتغال: "المنتخب البرتغالي هو اللي فافوري وحنا هداك المنتخب اللي باغي يدير المفاجأة وكيبرزط، وراه قلتها من قبل إلى فتنا دور المجموعات غادي نكونو خصم صعب".
وكيتعتبر الماتش ما بين المنتخب الوطني المغربي والبرتغال غدا السبت فتيران الثمامة، ابتداء من 4 لعشية فربع نهائي كأس العالم قطر 2022، فرصة جديدة ليكيب ناسيونال باش بزيدو يكتبو التاريخ فالمونديال ويواصلو المفاجأت ديالهم للعالم، من بعدما خلقو المفاجأة فدور المجموعات وثمن النهائي.