"الفيفا": قمة المغرب ضد إسبانيا راه ماتش ديال الشعب المغربي

اعتبر الاتحاد الدولي لكرة القدم بلي الماتش ديال المنتخب الوطني المغربي ضد إسبانيا غدا الثلاثاء، فثمن نهائي كأس العالم قطر 2022، هو ماتش للشعب المغربي كامل وماشي كيعني غير 26 لعاب والطاقم التقني وفئة جمهور كرة القدم.
وتحدث الاتحاد الدولي لكرة القدم الفيفا على الماتش ديال المنتخب الوطني المغربي ضد منتخب إسبانيا، ففيديو ترويجي لهاد اللقاء على الموقع الرسمي ديالو، وقال بلي المغرب كامل جاهز لهاد القمة.
Coupe du Monde Qatar-2022 : Ambiance du public avant match Maroc- Belgique
وزادت الفيفا وأكدت بلي المغاربة كاملين غدا حاضرين مع ليكيب ناسيونال ومساندين اللعابا باش يربحو وقالت: "كل أطياف الشعب مصطفين ورا الأسود ديالهم باش يتخطاو هاد عقبة ثمن نهائي العالم للمرة الأولى فالتاريخ".
وغادي يلعب المنتخب الوطني المغربي ومعه الشعب المغربي غدا الثلاثاء، ماتش للتاريخ ضد منتخب إسبانيا فثمن نهائي كأس العالم قطر 2022، حيث المغاربة كاملين عازمين ومعولين يربحو المنتخب الإسباني ويتأهلو لأول مرة فتاريخ كرة القدم المغربية لدور ربع نهائي كوب ديموند من بعدما كررو فهاد النسخة قبل أيام، إنجاز مونديال 1986، ووصلو لثمن النهائي للمرة الثانية فتاريخ المغرب.