والمغرب كيشوف بعويناتو بينما الفلوس الصحيحة كتفلت ليه.. الأردن تابعة المؤثرين باش يخلصو على المداخيل ديالهم

من بعد القانون لي دارت الأردن باش تقنن الدخل ديال مشاهير السوشيل ميديا، كشفات مديرية ضريبة الدخل والمبيعات أن 1000 شخص من مشاهير السوشيال ميديا في لبلاد امتثلو للقرار.
وقالت المديرية أن هاد المشاهير خداو رقم ضريبي وأي دخل غادي يدخلهم هوما مضطرين باش يخلصو عليه الضريبة للدولة على الأنشطة ديالهم.
وقالت المديرية أنك بمجرد ما كتسجل كتولي مراقب على كل الأنشطة لي كتمارسها على السوشيل ميديا.
ومازالة الأردن غادية في حملة تحسيسية باش كاع المشاهير لي كاينين في المملكة يتسجلو في إدارة الضرائب، ولي قالت أنها حماية ليهم وللمؤسسات لي كيديرو ليها الإشهار.