العقبا لهادو اللي عندنا.. الأردن فرضات الضريبة على اليوتوبرز

كشفات دائرة ضريبة الدخل فالأردن أنها قررات تفرض ضريبة على اللي خدامين فباقي مواقع السوشل ميديا، وخاصة على اليوتيوبرز والأنستكَراموز مقابل المداخيل اللي كيربحوها من الأنشطة ديالهم.
دائرة الضريبة قالت أن القانون غادي يبدا العمل بيه، وعلى المعنيين بالأمر يقادو أوضاعهم القانونية ويقدمو الإقرارات الضريبية على الفلوس اللي كياخدو من خدمتهم فمواقع التواصل الاجتماعي ويخلصو الضرائب اللي عليهم.
وجا فالقرار أن السلطات غادي تقابل هاد "صناع المحتوى المشاهير"، وأي واحد تهرب من خلاص الضريبة اللي عليه غادي تكون عقوبتو كبيرة.