سكوب. وفينك يا لفتيت. فضيحة جديدة بطلها الزعيترات. امانديس رفضات دخل ليهم الما والضو لمشروعهم فمارينا سمير وعامل الفنيدق كيضغط على الشركة باش تخرق القانون

مسلسل الزعيترات ما باغيش يسالي. معطيات حصرية حصلات عليها "كود" فالمشروع اللي خداوه الزعيترات فمارينا سمير ونوض الصداع وخلى التجار وناس لمدينة يحتجو ويطالبو بتدخل سيدنا. وفق مصادر "كود" فان شركة "امانديس" رفضات دخل ليكونتور ديال الما والضو لهاد المشروع اللي نوض الصداع.
وفق مصادر "كود" ف"امانديس" فالشركة كطبق القانون وصافي وباللي ناقصاه وثائق.
مصادر "كود" قالت باللي الصدمة كانت باش عطى عامل عمالة لمضيق لفنيدق تعليماتو الشفاهية باش يدار اللي خاصو يدار ويعطيوهم المكانة ديال الضو والما واخا ما عندهمش نسخة من هاد الوثيقة.
دابا هاد عامل المضيق خاصو يتحاسب من وزارتو. ما عندوش الحق. رئيس الدولة ديما كيهدر على تطبيق القانون. هو كيعطي المثال باش كيسوگ الطونوبيلة وباش كيكون عندو شي مشروع خاص وفجميع تصرفاتو.