المغرب دار استقبال بالورود لبعثة الكونغو اللي سخسخو المنتخب والجمهور=تصاور

وصلت بعثة المنتخب الكونغولي هاد الصباح الاحد 27 مارس 2022 لمطار محمد الخامس فالدار البيضاء للمشاركة فماتش الروتور عن الباراج المؤهل لمونديال قطر 2022.
عكس التعامل الخايب اللي داروه الكونغوليين للمنتخب وللبعثة وللجمهور٬ لمغاربة تهلاو فيهم. كان طارق نجم الكاتب العام للجامعة الملكية المغربية لكرة القدم مع رئيس شباب المحمدية هشام ايت منة فالمستقبلين. عطاوهم الورد ووقفو على كاع الاجراءات حتى خرجو من المطار.
فالطريق للمطار ما تلگى ليهم حد ما تبرزطهم حد ما خسر ليكم الكار كيف وقع مع المنتخب المغربي.
لمغاربة عاناو بزاف بزاف لا لعابة لا جمهور لا اعضاء البعثة فكينشاسا. دوزو ساعات مقودة بزاف.
الساعات الاولى للي دوزوها الكونغوليين فكازا كانت كلها حفاوة.