الزلزولي حاضر لماتش الكونغو. لعاب البارصا قبل الدعوة

علمت "كود" ان لعاب البارصا عبد الصمد الزلزولي غادي يكون حاضر فاللائحة الاولية اللي غادي يعلنها مدرب الاسود وحيد خاليلوفيتش. هاد اللائحة اللي غادية تعلن اليوم هي اللي غادية تمشي للكونغو وتلعب ماتش اياب الباراج المؤدي لمونديال قطر. فيها 23 لعاب بعد ما كانت اللائحة الاولية فيها 40 لعاب.
حسب مصادر "كود" فاللعاب اللي كان تجنب يحضر لنهائيات كأس افريقيا في الكاميرون٬ قبل الدعوة وغادي يكون فهاد الماتشات ذهاب واياب.
اللعاب كان هادي شهرين تالف بين المغرب واسبانيا بالاضافة الى رغبتو يضمن رسميتو مع البارصا. بان ليه باللي يلقى بلاصة مع المنتخب الاسباني صعيبة بزاف.